حياتنا مليانة بالف حالة و حالة
منهم كان ممكن وكتير كانوا استحالة
الممكن عشناه و اتعلمنا منه حاجة
والمستحيل اتمنيناه يمكن يرجعلنا حاجة
يمكن يرجع ايام مليانة حزن و جراح
او يدينا تانى امان و ارتياح
بس لمين ناخد الخطوة
و مين نديله عمر تانى زى اللى راح
هو ده اصعب سؤال
مالوش اجابة
اجابته مش كلمة ولا نظرة و ابتسامة
ولا دمعة وجرح و هموم تعبانة
الاجابة كانت ببساطة
قلب تحس معاه بالراحة
و طريق حابب تبتديه بكل عزم و حماسة
من غير حيرة و وقيود تقتل احساسك بسخافة
ولا اوامر و شروط كلها تفاهة و سذاجة
اجابته هى حالة
ومااجملها حالة
حالة بيها رجعنا تانى طايرين
حاسين الدفا والشوق والحنين
حالة فكرتنا كنا ازاى من سنين
وبيها هنكمل من غير وجع و أنين
كلامى اكيد مالوش نهاية
بس الاكيد انه
كله كان حاله
حاساها ...عيشاها و بعمرى شارياها
من غير كلام يوصفلك و يحكيلك
انت الحالة اللى انا عايزاها
No comments:
Post a Comment