قلبى عايش حالة حداد
رافض للكلام
و راغب فى السكات
حزين من الانفجارات
و التكسير والانشقاقات
محروق من جوايا على كل شهيد مات
موجوع على قتل الضحايا و ظلم الابرياء
قاعدين نكتب فى اغانى
ونالف شعارات
وحوالينا خاين بيثير
الغضب والانقسامات
بيحاول يدمرنا
و يهدم كل الابتسامات
وشكل الكبار مش شايفينو
او يمكن مش عايزين يدمروا العلاقات
ولا حتى يقطعوا الاتفاقيات
يا خسارة اللى عمله السادات
و يا الف حسره عللى معلى المقامات
لناس خونه ماتستهلش
ولا يتعملهم ادنى حساب
مسلمين و مسيحين
هنفضل دايما اخوات
ومهما حاولو يفرقوا
احنا صامدين للازمات
ده بينا دم واحد بيجرى فى العروق
ونيل و خير بيسرى
جوا الحى و اللى مات
مش هنسكت و لا هنهرب
ولا هنقول بس فى شعارات
واللى يحاول او يفكر فى فرقتنا
هنقوله بروح واحدة و صوت
مدافع عن الحريات
"احنا شعب راح منه كتير غاليين
وهيفضلوا فى قلوبنا محفوظين
بس تارنا مش بالنار و لا بالتفجير
حق ولادنا راجع مهما طالت السنين
خدوا بالكوا يا خاينيين
و خافوا على اجيالكو الجايين
و اللى لازم تخافوا منه
هو حساب رب العالمين
No comments:
Post a Comment