بحبك يا بلادى
يا امى و عرضى و مكان ميلادى
يا صحرا و نيل ووادى
بحب تراب ارضك وهوا نيلك
بحب سمار اهلك و دفا ريفك
بحب سماكى الصافية و سحر ليلك
بحبك يا بلادى
يا تاريخ اجدادى و مستقبل احفادى
يا قصة كفاح
من ابن الوزير للفلاح
يا رحلة نجاح
زويل و محفوظ و صلاح
بحبك يا بلادى
يا وطن عبد الناصر والسادات
يا حلم شعب صامد مع الازمات
يا ضحكة اطفال بريئة
يا دمعة قلوب جريحة
يا زحمة شوارع عريضة
مليانة وشوش تعبانة و سعيدة
بحبك يا كلمة حب بين العشاق
وكلمة فخر لكل شهيد مات
بحبك يا ارض الكرامة والشرف
يا معنى التضحية والهدف
بحبك يا عزة نفسى و كبريائى
ياحلمى وطموحى و ذاتى
يا مكان محياى و مماتى
ياللى مهما اتغربت انا وولادى
هفضل بحبك يامصر عشان انتى بلادى
No comments:
Post a Comment