مليان حماس و نشاط انما
حابسنى سيد ما اظلما
كل ماحاول افرد جناحى
بالكرباج يضربنى و يعلقلى المشنقة
فسئمت القيد و العيشة ف مظلمة
نفسى اعيش حر من غير سور
ولا سلاسل تكتفنى زي غيري م الطيور
انا مش ضعيف ولا جناحى مكسور
بس منايا اعيش زي اي عصفور
افرح الناس بصوتى
واسعد نظرهم بلونى واللى يقربلى ....يحس دفا قلبى
و اوام يعشق كل انواع الطيور
يمكن انا دلوقتى مكسور ، ضعفان
محبوس ف قفص....مكتفنى لجام
لافف على كل ما فيا سلاسل و قضبان
بس بحلم اطير و اسابق الريح
و افرح كل قلب ..بات ف يوم جريح
طب ازاى افرحه و انا اللى مجروح
ده حتى ابتسامتى طلعت حلاوة روح
ازاي اغنى لقبلبك يا مجروح
و انا عصفور عايش ...زي المدبوح
و اغنيلك ازاى و انا صوتى منبوح
ده سبب عذابى و ضعفى انا
م اللى عمله فيا سيدي و من اشبها
صحيح انا حياتى مشئمة
بس برده هغنى...يمكن ف يوم
غنايا يداوى جرح عميق مكتوم
او يحيي ذكري محبوسة ف البوم
ده فرحة المجروح تهون على اى عصفور
غناله ف يوم و كان صوته منبوح
No comments:
Post a Comment