اجمل هدية

 كان قربك بالنسبة ليا

حلم بعيد و صعب عليا

ولما بقيت بين ايديا

شكرت ربى على اجمل هدية

واتمنيتك تفضل ليا

واعيش جوا حضنك

كل ايامى اللى جاية

عشان معاك حسيت بالحنية

وعرفت معنى الحب و الشوق

وقيمة التضحية

ولاعمرى حسيت بقيد

ولا اتسرقت منى الحرية

ياللى حبك غيرنى

وعلمنى معنى الدنيا ديا

انا مبقتش ضعيفة و لا انسانة سلبية

وهفضل دايما اتحسن

عشان تفضل فخور بيا

حبك كان هو دايما

النسمة اللى بتهون  عليا

ايام صعبة فاتت

و كل الايام اللى جاية

ماتسيبنيش يا حته منى

عشان انت اقرب منى ليا

ممنوع الدخول....

قفلت قلبى و كتبت ممنوع

ده طريق مسدود مفيهوش رجوع

من كتر المى و دمعى المنثور

وطول سهرى ف ليل مكنلوش طلوع

وف لحظة اتفتحلى ينبوع

عشان منه اشرب 

و تنشف كل الدموع

واداوى منه جرحى 

اللى عشش ياما ف الضلوع 

خفت اسيبه مفتوح

تجرحه و يبات مخدوع

بس عنيك طمنونى

ان جنبك عمر قلبى 

مايبات موجوع

وان حبك ليا دايما هيبقى

سر السعادة و السرور

يا قلبى افرح مش هتبات حزين

ولا يا عينيا هتبكى دمع و انين

من النهارده مانتوش عطشانين

الحب تانى هيحيكو

بعد ماتجرحتو سنين و سنين

ومابقتش خلاص يا قلبى

حيران و لا مسكين

حبيبك خلى طريقك المسدود

يصبح سما مالهاش حدود

واتلغى من قاموسك

اى دمع او قيود

واى كلمة تمنع حياة الخلود

من النهاردة يا قلبى بحبه

انت مالك الوجود   

Pain Killer

whether u r dying or flying
or if u r smiling or crying
no one can describe
what u r feeling inside

u can talk and u can hide
but u would never know
how your eyes look
when u r lying

don't pretend u r fine
close your eyes for just a while
and think if u have no more time
to tell that someone
how your dying

and how this one would love always
to see u smiling ..not crying

he is your pain killer
he is your tears dryer
he is always by your side
even u tried to run away and hide

for what u did in my life
and for every second u fight
just to keep and draw my smile

i will never be that weak one
coz u will always remain number ONE
who supported and stayed wiz me
when everything around me had GONE

صاحبى...

صاحبى

انا صاحبى كان عنوان

كان فكرة او بيت فى ديوان

كان ضحكة طفل صغير

او دمعة عاشق ولهان

كان صبر و طيبة و امل

شايلهم مع حبة احزان

يمكن صاحبى كان غلبان

بس اكيد مكنش جبان

كان نفسه يهد جبال

و يرجع بايده امجاد زمان

كان نفسه يزرع وردة

يملا بيها كل بستان

بس ف يوم م الايام

جه واحد غدر بيه

لعب بطيبته و استهزأ بيه

قلل منه و من كيانه

بس مقدرش يكسر حصانه

يمكن صاحبى عاش مظلوم ندمان

و يمكن عاش غلبان

بس يوم ماتكلم و فكر

كان ولا اجدعها فنان

شخبط بذكاؤه على غدر الزمان

وحطم اعداؤه بروح و ايمان

من غير ما يبكى ع الايام

و يضيع وقته ف كلام افلام

و عشان كده بقولك يازمان

اوعى تغدر او تجرح صاحبى الانسان

الانسان ولا الزمان؟؟

ياللي بتدور علي مال أو جاه
دور ع اللي شاريك ونفسه روحك تلقاه
دور علي مجروح غلبان أو حتي حبيب ندمان
دور علي أمل ف بكرة ،دور علي شوية حنان

هتقولي ازاي أدور عالحنان في زمن مات فيه الانسان
مات فيه الحب ،وضاعت منه النشوة و الإيمان

زمن كله عايش ف سباق
بتاكل فيه ياانسان أخوك الانسان
ويوم ماتقوم تحقق حلمك
تدوس عليه بقلب حيوان

يمكن الزمان بقي قاسي بغدره
بس الانسان قلبه اقسي من زمنه
يمكن قساه ظروفه و مشاكله
بس أكيد ف يوم هيقوم من وسنه
ويكسر بإيده غضبه و يأسه
و يحنن قلبه علي قساه
كده مين الاقسي.... انت يا انسان ولا الزمان ؟؟؟

ألف لأه

كلامى باين م العنوان....كلام مش طالع م اللسان...ده طالع م القلب و الوجدان
كلام له معنى, المعنى اللى يجمعنا وبه نحقق احلامنا...معنى تكبر به امانينا و تحلو به ايامنا

سمعت كلمة ف وسط الكلام
رنت ف عقلى و جابت وراها كلام
الكلمة دى كانت الف لأ
و هل ليها مغذى ولا لأ؟

الف لأ للخيانة...الف لأ للغدر
الف لأ للأ نانية...الف لأ للهجر
لأ للكراهية و لأ للعنصرية
لأ للسلبية و اليأس و الروح الانهزامية

لأ للماديات اللى خنقت الشباب
و مطيرة نومهم ورا كل باب
لأ للضغوط اللى كاتمة ع القلوب
لأ ع البيوت اللى ف ثانية بتبقى طوب

لأ ياللى حلمت مرة وفشلت
حاول ميت مرة ده لو مكنش الف
حاول تبنى اسمك و تصنع وطنك
حاول ترفع راسك من غير ماتبيع كرامتك
حاول تسعد ناسك من غير ماتخون ارضك

الف لأ ع اللى اتجرح و قلبه انكوى
افتحه تانى , بكره تحب و تحس انك طاير ف الهوا
ده ربك هو العادل اللى مقسمها كده
و يوم ما تضيق ف عنيك
تلاقيها ف ثانية بتجريلك
وتقولك ده حظك و نصيبك
ومسيرها ف يوم هتتعدل
ربك هو الناصر
ربك هو الأقوى
و قدام كل وقعة
الفرحة اكيد راجعة

الف لأ و لأ و لأ و لسه جوايا مليون لأ
بس ياترى يا صاحبى فاهمنى ولا لأ ؟؟

أنا مين ؟؟؟

انا اسمى له صيت و رنة
ولما يتسمع تتفتحله ابواب الجنة
انا قلب جواه حب و ايمان
جواه غيره و رغبة يعيش فى امان
جواه غضب لكل اللى يحاول يغتصب عرضه
و حلم يخرج كل محتل من ارضه

زمان كنا بنحلم و احلامنا بنحققها مهما واجهنا الصعوبات
ولحد دلوقتى جوانا نخوة بس يمكن ضاعت روح التحديات

بلادنا دخلها المستعمر طمعان فيها
دخل يهدمها و يجيب عليها واطيها
لو مش بالحرب ...كفاية يشوف الحالة اللى بقينا فيها
و ادينا قاعدين بنتفرج

بنتفرج عللى بيعملو فينا و ف اخواتنا
ساكتين....
مستنيين الدور ييجى على ولادنا

امتى هنقوم و نفوق
امتى نرجع كل حق مسلوب

قوم اكسر صندوق الرعب اللى استخبيت فيه
دمر بايدك كل حيط مشيت جنبيه
قوم عمر و رجع اللى جدى و جدك تعبو فيه
وكان حلمهم نحافظ عللى كل زعيم حاول يبنيه

ماتقولش زمننا غير زمن اجدادنا
عشان بايدينا نخليه احسن من غيرنا
لو بس قررنا و صممنا
صدقنى....هنحقق احلامنا

هيجرى ايه لو نتحد
و على قرار واحد نتفق
كفايانا بقى قلنا و قال
كفايانا دلع و كلام عيال

فين رجالتنا الشجعان
اللى وصفهم جاهين..و..محفوظ و احسان
فين ولاد البلد الجدعان
الجاهزين فى كل وقت و مكان

انا عارفة انهم موجودين
و اكيد مكنوش خايفين
يمكن كانوا مستنيين
حد يعرفهم هما مين

و ادينى بصوتى بقول
ياللا يا شباب جالكو الدور
عشان تقولو اللى جواكو
من غير خوف او قلق من اى مسئول


دلوقتى اكيد عرفته انا مين؟؟؟
انا مصرى زى بقية المصريين انا مين..........؟؟؟؟؟؟